Fara í efni

Spurt & svarað

Skráning/afskráning

Er kostnaður við skráningu?

Nei, skráning á veggjald.is er án endurgjalds.
Þegar greiðslukort er skráð inn kemur tilkynning um að 150 kr. verði gjaldfærðar. Þarna er aðeins verið að staðfesta að greiðslukortið er virkt, ekkert gjald er þó tekið af kortinu.

Hversu mörg ökutæki má skrá?

Hægt er að skrá allt að þrjú ökutæki undir 3,5 tonnum og ótakmarkaðan fjölda ökutækja 3,5 tonn og þyngri. 
Hægt er að skipta út ökutækjum á reikningum á einfaldan hátt undir hlekknum "ökutæki"

Hver ber ábyrgð á skráðum upplýsingum á veggjald.is?

Sá sem skráir upplýsingar á veggjald.is ber ábyrgð á því að þær séu réttar.

Þarf ég að skrá mig fyrir hverja ferð?

Einu gildir hvort vegfarandur keyra oft eða sjaldan í gegnum Vaðlaheiðargöng, fyrir þá er alltaf einfaldast og þægilegast að skrá ökutækið og greiðslukortið inn í kerfið. Aðeins þarf að skrá ökutæki einu sinni á veggjald.is, eftir það gjaldfærist veggjaldið sjálfkrafa af greiðslukortinu í hvert skipti sem ekið er í gegn. Skráning á veggjald.is er án endurgjalds.

 

Hvað gerist við eigendaskipti ökutækja?

Við eigendaskipti ökutækis og/eða aðrar breytingar ber notanda að afskrá númer ökutækisins á veggjald.is. Einfalt er að skrá annað ökutæki, eina sem þarf að gera er að skrá nýtt skráningarnúmer. Þessi breyting hefur ekki áhrif á fyrirframgreiddar ferðir, enda eru þær tengdar aðgangi hvers og eins ökumanns en ekki einstaka ökutæki.

Hvað gerist ef ökumaður ekur í gegnum göngin á ökutæki sem hann á ekki sjálfur?

Sé ökutæki skráð á veggjald.is skuldfærist ætíð á gildandi skráningu ökutækisins í kerfinu.

Sé ökutæki ekki skráð á veggjald.is getur ökumaður greitt staka ferð innan þriggja klukkustunda. Eftir það er veggjald innheimt auk álags á skráðan umráðamann, samkvæmt ökutækjaskrá.

Af hverju segir kerfið að ökutækið sé nú þegar skráð?

Ökutækið er þegar skráð á notanda í kerfinu.

Frekari upplýsingar veitir þjónustuver Veggjalds.

Á að skrá einkanúmer eða fastanúmer ökutækis?

Skrá skal það númer sem er á númeraplötu ökutækis (einkanúmer).

Finnur þú ekki það sem þú leitar að?