Fara í efni

Spurt & svarað

Skráning/afskráning

Er kostnaður við skráningu?

Nei, skráning á veggjald.is er án endurgjalds.
Þegar greiðslukort er skráð inn kemur tilkynning um að 150 kr. verði gjaldfærðar. Þarna er aðeins verið að staðfesta að greiðslukortið er virkt, ekkert gjald er þó tekið af kortinu.

Hversu mörg ökutæki má skrá?

Hægt er að skrá allt að þrjú ökutæki undir 3,5 tonnum og ótakmarkaðan fjölda ökutækja 3,5 tonn og þyngri. 
Hægt er að skipta út ökutækjum á reikningum á einfaldan hátt undir hlekknum "ökutæki"

Hver ber ábyrgð á skráðum upplýsingum á veggjald.is?

Sá sem skráir upplýsingar á veggjald.is ber ábyrgð á því að þær séu réttar.

Þarf ég að skrá mig fyrir hverja ferð?

Hægt er að keyra í gegnum Vaðlaheiðagöng án þess að skrá sig. Sé það gert er rukkun send í heimabanka á eiganda/umráðamann ökutækis. Sé valið að greiða í gegnum veggjald.is er hægt að kaupa staka ferð eða stofna aðgang þar sem ferðin gjaldfærist sjálfkrafa og hægt er að kaupa ferðir á afsláttarkjörum. 

Hvað gerist við eigendaskipti ökutækja?

Við eigendaskipti ökutækis og/eða aðrar breytingar ber notanda að afskrá númer ökutækisins á veggjald.is. Einfalt er að skrá annað ökutæki, eina sem þarf að gera er að skrá nýtt skráningarnúmer. Þessi breyting hefur ekki áhrif á fyrirframgreiddar ferðir, enda eru þær tengdar aðgangi hvers og eins ökumanns en ekki einstaka ökutæki.

Hvað gerist ef ökumaður ekur í gegnum göngin á ökutæki sem hann á ekki sjálfur?

Eigandi / umráðamaður ökutækis fær rukkun í heimabanka ef ökutækið er ekki þegar skráð í veggjald.is þar sem ferðin gjaldfærist sjálfkrafa. Hægt er að greiða stakt gjald á veggjald.is óháð því hver sé skráður eigandi ökutækis.

Af hverju segir kerfið að ökutækið sé nú þegar skráð?

Ökutækið er þegar skráð á notanda í kerfinu.

Frekari upplýsingar veitir þjónustuver Veggjalds.

Á að skrá einkanúmer eða fastanúmer ökutækis?

Skrá skal það númer sem er á númeraplötu ökutækis (einkanúmer).

Hvernig afskrái ég ökutæki af aðgangi mínum?

Í tölvu: smellir á nafnið þitt/strikin 3 efst í hægra horninu, velur „ökutæki“ og setur ökutækið í ruslafötuna.

Í appinu: smellir á strikin 3 neðst í hægra horninu, velur „ökutæki“  og setur ökutækið í ruslafötuna.

Hvernig skrái ég ökutæki á aðgang minn?

Í tölvu: smellir á nafnið þitt efst í hægra horninu, velur „ökutæki“  velur skrá ökutæki, setur inn bílnúmer og staðfestir.

Í appinu: smellir á strikin 3 neðst í hægra horninu, velur skrá ökutæki, setur inn bílnúmer og staðfestir.

Hvernig skrái ég greiðslukort á aðgang minn?

Í tölvu: smellir á nafnið þitt/ strikin 3 efst í hægra horninu, velur „greiðslukort“  velur skrá greiðslukort, setur inn greiðslukortanúmerið og staðfestir.

Í appinu: smellir á strikin 3 neðst í hægra horninu, velur skrá „greiðslukort“, setur inn greiðslukortanúmer og staðfestir.

Hvernig afskrái ég greiðslukort af aðgangi mínum?

Í tölvu: smellir á nafnið þitt/strikin 3 efst í hægra horninu, velur „greiðslukort“ og setur greiðslukortið í ruslafötuna.

Í appinu: smellir á strikin 3 neðst í hægra horninu, velur „greiðslukort“  og setur greiðslukortið í ruslafötuna.

Hvar greiði ég fyrir staka ferð?

Hægt er að greiða fyrir staka ferð:

  1. Keyra í gegn án skráningar. Rukkun er send í heimabanka á eiganda/umráðamann ökutækis. 
  2. Greiða staka ferð á veggjald.is. Hver ferð gildir sólarhring frá greiðslu. 
  3. Stofna aðgang á veggjald.is þar sem stök ferð gjaldfærist sjálfkrafa og hægt að kaupa fleiri ferðir á afsláttarkjörum. 

Ég hef stofnað aðgang, hvernig borga ég fyrir ferðina?

Þegar þú hefur stofnað aðgang og skráð inn greiðslukort og bílnúmer, þarft þú ekki að gera neitt frekar. Þú ekur í gegn og færð kvittun fyrir ferðinni í tölvupósti.

Þarf að borga í göngin þegar Víkurskarð er lokað?

Já það þarf alltaf að greiða fyrir ferð í gegnum Vaðlaheiðargöng. 

Þægilegast er að skrá sig á https://mitt.veggjald.is/registerAccount?language=is

Finnur þú ekki það sem þú leitar að?