Spurt & svarað

Rukkun fyrir einni ferð er send í heimabanka á eiganda/umráðamann ökutækis ásamt innheimtugjaldi.

Hægt er að greiða veggjaldið á veggjald.is eigi síðar en 24 klst. eftir að ekið er um göngin og allt að 24 klst. áður en ferð er farin.

Gjaldfærsla fer eftir því hvernig greidd er fyrir ferðina: 

1. Sé keyrt í gegnum göngin án skráningar verður sendur reikningur í heimabanka eiganda/umráðamanns ásamt innheimtugjaldi og hefur eigandi/umráðamaður 10 daga til að greiða ferðina.
2. Ein ferð greidd á veggjald.is er gjaldfærð við kaup á ferðinni og miðast við að keyrt sé í gegnum göngin á innan við sólarhring.
3. Stofna aðgang á veggjald.is þar sem stök ferð gjaldfærist sjálfkrafa eftir að keyrt hefur verið í gegnum göngin. Fyrirframgreiddar ferðir eru gjaldfærðar við kaup. 

Greiðsla staka ferða í tímabundnum aðgangi var hætt 1. júní 2020. Við tók greiðsla stakra ferða sem gildir í sólarhring frá greiðslu. 

Hægt er að greiða eina ferð í síðasta lagi 24 klukkustundum eftir að ekið er í gegn. Ef ekki næst að greiða fyrir þann tíma er rukkun send í heimabanka á eiganda/umráðamann ökutækis ásamt innheimtugjaldi. 

Einungis er hægt að greiða fyrir eina ferð í einu. Ef fara á margar ferðir bendum við á að hagstæðara getur verið að stofna aðgang og kaupa fleiri ferðir á afsláttarkjörum.